[كاتب الرشيدي]

مراهن عليك

الله الله عليك

شاعر يجيني طاريك

متمكن وبارع

امتعتنا كعادتك بإبداعك الراقي

مليت وانا انتظر متـى يجـي بكـره

في داخل الروح شي (ن) حيل مزهقها

فيني تعب ماقدرت احصيه وش كثره

واحلام في داخلي عجزت احققهـا

مثلي تحمل وقـاوم وانتهـى صبـره

والحال ملت وهمي صـار يسرقهـا

واليوم محتـار بأمـري يالله الدبـره

والنفس تعبت من اللي حيل مقلقهـا

لايازمن ليه تفـرض كـل مانكـره

واللي نبي يازمـن ترفـض تحققهـا

والشوق بالعين واضح كنـه الجمـره

لين التهب موقهـا والدمـع يحرقهـا

شف جرة الدمع فوق الخد وش كبره

حتى المناديل شفها كيـف مغرقهـا

يامنوة القلـب ياسحـره وياعطـره

ماادري متى في سماي يلـوح بارقهـا

طول غيابك وانا ميت مـن الحسـره

حتى تسببت بأشياء مااقـدر انطقهـا

تعال ضم الخفوق اللي فقـد عمـره

وأسكب بدمي رياحينـك وعتقهـا

في ليلي اسهرك حتى يـذن لفجـره

وأتنفسك في صباحي روح واشهقهـا

واليا لبسك النعاس وزانـت الخثـره

أبنتثـر فـوق نـارك واتوسقـهـا

والمك بشوق واغفي منهي السهـره

في جنب من هي حياتي موت واعشقها

والشوق جمر وشب النار مـن جمـره

لين احترق في دفاها البرد واحرقهـا

والشوق جمر وشب النار مـن جمـره

لين احترق في دفاها البرد واحرقهـا