[ذبحني غروركـ]

ماأبي أسمع ولا كلمة وفكوني من التشويش

~~~~~~~~وأي واحد يقاطعنـي تراني معــه أخربها



أنا في خاطري كلمه عليها جاري التفتيش

~~~~~~~~لها فتــرة تعذبنــي.. وهــاجوسي معذبهــا



أبنبش في خفايا داخلــي لعيونهــا تنبيش

~~~~~~~~وأبيها تعانق احساسي قبل لا أشد وأكتبها



أبكتبهــا وأرددهـا ولو قـالو تعيش بطــيش

~~~~~~~~أنا كـل اللذي فينــي ترى سبـــة سبايبــها



أبكتب له انا احبك ..بحبك بس احب اعيش

ّّّّّّّّّّّ~~~~~~~~أحبك أيه أنا احبــك وروحي حيل متعبــها



غلاه بداخلي كوش على كل الغلا تكويش

~~~~~~~~وخلاني بشوفه بس أعد أيامي وأحسبها





الأ ياأهل الهوى تكفون انا طيراً بليا ريش

~~~~~~~~عجزت أقوى على فرقاه وإشباكه بلشت بها



الاّ من هو يرده لي وأنا بدفع له البخشيش

~~~~~~~~وابيه يقول له أرحم ترى هاالكون ضاق بها



وأنا في ذمتي ماعاد أمارس لعبة التهميش

~~~~~~~~عدل بمشـي معه والله ونفسي له باأدبهـا



ولا أتكبر ولا أتغلى ولا أزعل منه لو ويش

~~~~~~~~ أبيه الحيـن يرجع لي قبـل لا جـد أخربها

الموضوع الأصلي: الأ ياأهل الهوى تكفون انا طيراً بليا ريش..عجزت أقوى على فرقاه وإشباكه بلشت بها | | الكاتب: ذبحني غروركـ | | المصدر: شبكة بني عبس