[عايض بن صالح]

السلام عليكم ورحمة الله وبركاته

طابت ايامكم ولياليكم بكل خير

اضع بين ايديكم هذه الابيات التي كانت فالبدايات؟

[poem=font="simplified arabic,6,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black""]
انا لي خوياً ساقه الهاجس الميلاف=طواري هجوسه صاحبي هاضت اشجانه
عن الحال ينشدني عسى ماعلي خلاف=دليل المعرفه والوفا بان برهانه
ولاهي غريبه صاحبي والليال عجاف=اعرفه واعرف اسمه ورقمه وعنوانه
اليامنها لجة ضما حمة الاشعاف=على العد قامت تصترد فوق معطانه
وصاح المصيح ثم حول لها الغراف=على جم عداً تسمع هواش هيمانه
ثمانين باع اقوامها صلفة الاطراف=هيار ارضها تنهار من لمس تربانه
يساند له الجذاب من طية المحذاف=تحلحل بدلوه صامل القلب وبطانه
وزهم من على الطيه ير الرشا لخلاف=بعد مصبحت دلوه من الجم مليانه
ودقايق بعون الله على عيالهن عطاف=عساالله يجازي راعي الطيب بحسانه
وانا ياخوي الدرب شايف ومثلك شاف=اموراً كثيره تفقد الواحد اذهانه
لو انك تبى التركيز معها يجيك اشغاف=على كل لون مشقلبه صعب فهمانه
ولافيه منفذ تضربه لو على الاكتاف=جمعت الهدف في بيت واغلقت بيبانه
[/poem]

الموضوع الأصلي: من ماضي بداياتي | | الكاتب: عايض بن صالح | | المصدر: شبكة بني عبس