الي 1012
لا تعتذر والله يرحـم سيوفـك!!
انا بسامح والله من فوق غافـر
ما ودي يثمر بالتلاقـي عزوفـك
وبعد انجذاب اثنين يحدث تنافـر
اودعتني عند الشقى في صدوفك
وانا ل ذاك اليوم مانيـب كافـر
مهما تقول الناس خانت طيوفـك
موقف حياتك بالمواقيـف سافـر
لو كل غلطـة سببتهـا ظروفـك
عاش الزعل ما بين الاحباب ظافر
قبل الحكي لا لا تبدي حلوفـك !
واسمع سكوت ٍ لو يعافر يعافـر
الصمت يغني عن مخارج حروفك
واللوم في بعض المخاليق نافـر
لا من بدا للناس كـذب معروفـك
ما ينفعك ..قضب الندم للاظافـر
ما ابغى اشوفك لو تبيني اشوفك
ولاابغى اوصّلها جنود المخافر !!
اما يعزك ..بالمواقف .. وقوفك !
والا تسافر كان تقـدر تسافـر