قم يا هجوسي وزيّن الشعر تزيين
واكتب قصيد ٍ ما انكتب من زماني
وارفق بقلب ٍ ما تولع من اسنيـن
شاف العنود وحسنها شـي ثانـي
يا عزوتي ما مثلها في المزاييـن
وشي طبيعي مـن رأتهـا تعانـي
منصور شوف اللي حلاها سكاكين
تجرح خفوق ٍ ما لمحهـا ثوانـي
يا حسرتي قلبي تقسّم على اثنيـن
بين الخطيه وصدقي للـي بغانـي
في عيونها لاحظت حلم الملاييـن
وبشفاتها بعض الحكي كالأغانـي
وبرموشها علاج السقم والمجانين
اعوذ بك ربي وش اللـي بلانـي
تمشي وكن الأرض لاقدامها تلين
مثل الظبي في مشيتـه عنجهانـي
وتسابق الورده زهـور البساتيـن
لها الشرف ان مسّها كف حانـي
بنت ٍ خلقها الله عـذاب المفاتيـن
وتسوقهم سوق الشويش الجوانـي
الله ُ أكبـر كـم طلعنـا مساكيـن
ومالنا غيـر الشعـر والأمانـي
هذا وانا شفته وما فُقْـت للحيـن
وشلون لا صرت الحبيب وهواني