[شـــوق]

اقتباس من مشاركة طيف المشاعر اختي المهيمزيه يقولون انك طباخه يا ليت تتحفيني بأحد اطباقك الرائعه

ابشري من عيووني ,, واول طبق بعطيج اياه توني امس مسويته شوووفي

المكونات

صدور دجاج
جزر مبشور
فلفل بارد مقصص بس صخيف..
مشروم مقطع صغار حيل
جبن قلاص
قيمر
كريمه حمرا
خبز سعودي اللي يكون عجينته خفيفه ,, اووو عجينه سمبوسه بس افضل الاول انا
-------------------------------------------------------------------------

اول شي اسلقي صدور الدجاج عاادي وحطي بهاركم المعتاد وبعد ماتنضج صفيها من المرقه و نتفي الصدر بايدج لقطع صغار وعقب جيبلي جدر وحطي فيه شويه زيت + المشروم + الجزر + الفلفل البارد + الدجاج وخليهم يتحمسوون وحطي شويه مرق من مرقه الدجاج مع رشه فلفل اسود وكمون وملح


اخلطي نص الجبنه ,, وعلبه القيمر ,, والكريمه مع بعض لحد ما تتجانس ,,

قطعي الخبز شرايح طوليه ,, طبعا بهالوقت خلصت خلطه الدجاج ,, حطي شويه منها على الخبز ولفيه على شكل سطواني ,,
وصفيه بالصينيه ,, وسوي هالطريقه لحد ماتمتلي الصينيه بعدين حطي الكريم ,, وفوقها انثري جبن موزريلا ,, دخليها الفرن وتابعيها لين تحسين الخلطه ثخنت عقب حمريها من فوووق ,,, واي توضيح اسالي وبقوولج