[سيوف بني عبس]

هذي قصيدة كتبها احد الخليجين بعد قدومه من المغرب


يقول....

ياللي تنشد عن علوم الذي طاف...كل البحور وكل دوله وديره
خذ من علومي علم اوصافه اوصاف...جزل سمين يشتعل له سعيره
الزين عقب المغربيات ينعاف...غيد لهن بالزين ذكره و سيره
فيهن حلا طاغي ولين و تعطاف...وفيهن حنان يشعل القلب غيره
حلوات وصف وفاهمات بالاعراف... زيننات منطق صافيات السريره
بنات قوم طيبهم غصب ينشاف...اولاد مغرب بالليل العسيره
ياللي تنشد عن علومي بالانصاف...هرجي يكفي صامله عن كثيره
الزين في لميا وتغريد و الطاف... ماهوب في حصه و كشره و منيره

الــــــــــــــــــــــــرد
قال الذي في بدع الامثال صراف.....جزل يفرق بين درهم وليره
ياللي مدحت المغربيات بجحاف.....الله يجيرك من عماه البصيره
لو تعجبك لميا وتغريد والطاف.....مايصلحن لهل الوجيه السفيره
مفصخات و لبسهم حول الارداف.....وبليس اغواهم بكشف الستيره
متعودات كلهم زيف وخفاف.....على التغنج والتعطف وغيره
كل يوم مع صاحب و لافيهم اعفاف.....خويهم اللي فلوسه كثيره
ترى البضايع عده اشكال و اصناف.....وكل ينوخ وسط سوقه بعيره
عز الله ان الطيب في بنت الاشراف.....اللي على الحشمه تربت صغيره
ولا تبين منها كود الاطراف.....مثل القماشه فالبحور الغزيره
ياللي تدور بالجواهر و الاصداف.....الزين كله في منيرةوحصه بنات الجزيره

الموضوع الأصلي: هذي قصيدة كتبها احد الخليجين بعد قدومه من المغرب | | الكاتب: سيوف بني عبس | | المصدر: شبكة بني عبس