من شوامخ العز والمقام
من فجوج الحب والهيام
أتيت لأهل القدّر والمقام
أتيتكم أحمل معي باقات الشعر الوردي بما حوّت
أتيتكم أحمل معي الذكريات الجميلة بعبق الوفاء والصفاء
لهذا المكان في نفسي الشيء الكبير
له الذكريات
له الحب
له الولاء
ولكم أنتم في قلبي الإحترام والتقدير
أتيتكم أنتثر شعراً ووجدانا=أتيت شوقاً لما قد بيننا كانا
أتيت والشوق يجبرني للقياكم=فأنتم لقلبي محبينٌ وخِلانا
ياظرف عثتبنا وزعلنا الأصحاب=وكلٍ على ظنه تنحت ركابه
ياظرف قفيت المشاريه بعتاب=واليوم مالك دعوةٍ مستجابة
أنا قصيتك وأنت ياظرف كذاب=تفرح عليّ مدورين الطلابة
خليتني في سبق الوقت مخلاب=ماله من السطوة سوات الخلابة
فلّت بيديني من الريش مقضاب=وقطعت رجوى اللي حصيله قضابه
ومن يوم غاب اللي عن البال ما غاب=وأنا دروبي في عيوني تشابه
ما عاد يطربني على الوتر زرياب=ولا عاد يغريني جمال وذرابه
ياظرف لمتنا تسّيد بها غياب=وكلٍ تزاين في عيونه غيابه
من يأسي ورجواي خايف ومرتاب=من فيهم اللي حاسبٍ لي حسابه
كني على باب المناشيد بواب=أخشى سؤالٍ ما بعد فك بابه
أخاف من عفوية مالها أطناب=تفتح سؤالٍ ما يناسب جوابه
عودة الماضي