السلام عليكم ورحمة الله
أحييكم تحيه عطره مبخره …
تحيه منسوجه بخيوط من الصفاء والنقاء وشوق اللقاء
تنفس باسترخاء قبل ان تقرا…
تحلى بالشجاعه عندما تريد ان تناقش …
لاتقلل من قدرتك على الكتابه ولو براي بسيط .
.اقرا بمهل لست على عجله لانك تقضي وقت فراغك هنا معنا …
في منتدى قبيلتي اعشق التواجد واعشق التقابل بالحوار بالمعلومه
حوار الأقلام ليس هناك أجمل منه حوار
منتدى قبيلتي
عرفته كلوحه يسودها الغموض
ثم خاطبته كزميله
وجالسته بصدق
وعشت معه مثل اسرتي
وفهمته بدقه وتعلمت منه
واكتشفت الكثير
…ليست خبره ولكن نستطيع ان نقول
انني ايقنت بعض جوانبه و استنتجت من عالمه …وساكتب
هنا
من أعماق افكاري
سينزف قلمي لكم موضوعي … ويبقي للقلم حريته …
....أنواع الأعضاء في المنتدى .....
1-العضو المستعجل
هو من يدخل بسرعه وينسي تسجيل دخول وبس يدور المواضيع الملفته
واللي تتكلم عن امور شائكه او مثيره في المجتمع
او يفتح قسم يميل له واذا لقى موضوع يعجبيه سجل دخول وكتب رد…
2-العضو الملتزم ..
مايفتح الا على المنتدى الاسلامي اوالاعلامي ويتحاشه العام احيانا او
اقسام تخص مواضيع حساسه يخاف يتأثر .او يشوش فكره .
3-العضو الغير ملم
يدخل من اول قسم القسم الاسلامي الى ملتقى الاعضاء
ويدش موضوع موضوع مايكمل قراءه الا مسكر وداش على غيره
تلقاء دخل مية موضوع بدقيقه ولاكتب رد …
الاخ مالقى مراده …
4-العضو البخيل …
يدخل على مواضيع بعض الناس ومقل بالردود او الشكر …
ويرد بس على مواضيعه … وينحاز لناس او لبني جنسه .
5-العضو الطيب والكريم
يتصفح كل الاقسام حتى لو انها بعيده عن ميوله
ويكتب ردود للكل دون تحيز
وينكسر خاطره اذا لقى موضوع لعضو مسكين محد عبره
يكتب له كم سطر يعزيه ..
6-العضو المتحيز
يكتب فقط لربعه او لمواضيع مهمة للقبيله ولا يعبر البقيه من الاقسام
حتى المواهب والصور اوالشعر مايمر عليها … …
7-العضو المراقب
بس شاطر يطرش رسايل لفت نظر
او حذف موضوع مو عاجبه اوشخط كم كلمه يعنني بيعقل الاعضاء …
8-العضو المشاغب
يحب يخالف القوانين ويعاكس الاراء ودايما يثير بلبله وبالاخير
..يحصل زفه محترمه
8-العضو المهتم او المثقف
يبحث في اغلب الاقسام ويحب يقرأ كثير وتلقاه يكتب مواضيع بقلمه
و ردوده لمواضيعه ولمواضيع الاعضاء جميله ومشجعه
يحبون الاعضاء تواجده ومروره ….وله قسم محدد يميل له ويحبه ..
9-العضو الناقل
لايعرف سوى النقل قص ولصق من المنتديات
وتلقاه ينقل على العمياني شي مفيد وشي ماله داعي
وكثير مكرر …ويمكن ينقل شي مابعد قراه بس اعجبه العنوان ..
10-العضو الضحوك
تلقاه بس يكتب كلمه والباقي ضحك
حتى لو الموضوع عادى بس جاي يبي يضحك …
ويعلق على كل شي يبي يفرفش الاعضاء غصب
11-العضو المتتبع او المقلد
تلقاه اذا شاف تجمع لاعضاء لحقهم ودخل معاهم على الخط
اولقى ردود كبيره لموضوع ما كتب معاهم…
مع الخيل ياشقرا …
12-العضو المهذب
…يكتب ردود مختصره ويحترم نفسه والجميع
في المنتدى خوش عضو تكانه واسمه لامع رابطه باسم عايلته او قبيلته …
13-العضو المشخص بالعاميه النصوب …
يسجل في المنتدى علشان يعرض صورته او
صوره لشخص ما شكله حلو يفكر بس بالشكل
ويحط توقيع ملفت وجذاب ويستانس اذا احد امدحه
ويطيح لي صار المدح من عضواة ….
14-العضو المحصل …
تلقاه بس يراقب مشاركاته ويكتب ردود علشان يجمع اكبر عدد مشاركات .
.وعينه على عدد مشاركات الغير …
15-العضو النايم
مانشوفه برغم تواجده مايطلع ولايكتب رد الا فجأه.. تلقاه ينقز اذا أحد صحاه
او تكلم بشي يخصه …
والآن
تعال وأخبرني
مارأيك بما كتبت ؟؟؟
…..وأي نوع أنت من هؤلاء الاعضاء ؟؟؟…
هل تجمع صفات أغلبهم ؟؟؟……
....لكم مودتي ….
بقلمي أثير الرشيدي