وعبري لي.. ياهجوسن شاعريه = من ضميرن ...مايغيب ولايغابي
للفخر.. نوماس لابرزت الهويه = يامراجع عبس.. ياطيب إنتسابي
وعزتي.. مرقابها متن الثريا = وعزوتي.. مقطانها شمخ الهضابي
كنها.. مخلوقتن من جاذبيه = بين معشوقن.. وعاشق بإنجذابي
من مهابتنا.. تروم إلنا العليا = ومن سطارتنا.. نزوم ولانهابي
ويومها.. شلفا ورمح وجاهليه = كلنا... من دون شمخات النيابي
ودون حد الدارنردلها المنيه = كلنا من دونها شيب وشبابي
ودون حق الجار تلحقنا الحميه = ماننام ..الاحقوقه له تجابي
ونوفي المدات بكفوفن نديه = لاقصر عن مدته زين الكلابي
ونبري جروح العليل إليا تعيا = ونروي العطشان لاقل الشرابي
وسمنا الكفه تكف الاجنبيه = كفة اللي ناوين دوس الترابي
وكيفنا بنن بوسط الشاذليه = ماتحوفه من تزين بالخضابي
عامرين بيوتنا والنار حيه = وللشرف مدهال وستار وحجابي
وقلبنا... واحد وصملتنا جريه = وعلمنا... غانم ولابه مايعابي
ولاسرى برق الحياء من عقربيه = ناصله لودونه جبال وروابي
ذي سلوم اجدادنا ولنا وصيه = ماسكين زمامها بازكى النصابي
وكل قومن دون واجبها غنيه = ماتبي تعريف مني اوجوابي
صح أللسانك يسمي على القصيده التي تستحق الأعجاب
وتقبل مروري
|