السلام عليكم ورحمة الله وبركاته
أحبتي شعراءواعضاء منتدى عبس... بدون تنقيح للمفردات اتمنى ان تكون مقبوله كما يهمني نقدكم لهذه القصيده بكل سعة صدر
سلام وملام وعملة البور لأ هل البور = وتحية وفاء لاهل الوفاء في منابرها
سلامي على وضح النقاء من يمن الدور = وملامي على من لاعرف وش مفاخرها
على من يدور صفقتين من الجمهور = خذ الارض في عينك من الكبر وأشبرها
لكن يا متزاين في سنام الجمل والزور = تبى توحي العربان حنة عشايرها
ابعطيك بين سطور تكفيك بين سطور = ولامن بغيت الفرق ياتيك قاصرها
لكن لو يسابق راعي الجمس راعي المور= تحدد امريكا من قطرها دوايرها
ويبى يدعون انه شهاب اربعه اونور= ويقولون ماهو جرمني صنع شاطرها
وانا صيد صيد وكل طير ٍ يعشي طيور = ولا صدت جول من الحباري أطيرها
وانا شاعر ٍ واعرف هل العرف واهل الشور = ولاورد اشعاره قبل مايصدرها
الاقلتها بشعور.. وإلابغير شعور = تأكد باني قلتها وأنت شاعرها
ولاقلتلي معذور بأقولك معذور = لون العذر لاهل العذر يامناصرها
وألا جيت ابن منصورقله يابن منصور= شيوخ العرب شاخت وبانت مخابرها
تغطا تغطا غطوة العاري المستور = وتخطا تخطا خطوتك ياموخرها
يبى يتسع قبري وتاسع قبور قبور = إذا إن الأ سيره تنتخيبي لاأحررها
عن النقص ولك الزود والكذب شبه الزور= أنا ماني بحاجة مفسر يفسرها
وانا مابغيت اعرف ويش انت يالمخبور = اناماعرفت الانوادر جواهرها
ولاني بدور من صديقي دعاة نفور = الازل انطحها الهبايب تكفرها