[سلووم]

السلام عليكم ورحمة الله وبركاته
كلمات ترفع ضغط الحريــــــــــــــــــــــم
7
7
7
7
7
7
7أ / انتي ياهيش .. وين شماغي ... ( والمشكلة الشماغ جنبه الله لا يعمينا )

ب / بروح اكشت مع اخوياي ..... ( روحت جدي ان شالله )

ت / تراني بصيف اليوم ..... ( ماجبت جديد متعودة الحرمة )

ث / ثواني وانا عند الباب ..اجهزي ( ولا يجي الا بعد ساعة وهي ملطوعة عند الباب )

ج / جاي تعبان من الدوام منيب فاضي لك .. ( كن مايشتغل الا هو )


ح / حريم مايجون الا بالعين الحمراء ... ( جملتهم المفضلة )


خ / خذي عيالك وفارقوا عني .. صجيتوني ( كنهم عيالها لحالها )

د / دوري احد يوديك ويجيبك .. ( وانت وش شغلك )



ذ / ذاك الصيف مسافرين هالسنة محنا سفر(وهو يسافر عاااااااااااادي)

ر / راتبك ماطلع يابعدي .. ( توه يجي الكلام السنع يوم جت الدراهم )

ز / زيدي العشاء ترى الرجاجيل كثروا .. ( والعشاء استوى وخلص وشلون تزيده )


س / سيارتي قاضي بنزينها ومامعي صرف .. معك سلف ( رددي ياليل مطولك مهيب راجعتن لك )

ش / شيلي المقاضي شوفيها عند الباب ( ورى ماتشيلها انت يامال الحروال )


ص / صديقي بيسافر برى تراني بخاويه ( خايف عليه يضيع والا وشلون )

ض / ضايق صدري .. ضايق صدري .. كل مادخل للبيت ( وهو عند ربعه فاقن خشته )


ن / ناااااااااااااادرا ماايشكرها على شي سوته (الا اذا يبى شي >> انواع المصاااااالح

هـ / هيه .. انتي >>>>> طبعا هذا اسمها في الاماكن العامة

و / ورى ماتسمنين .. وان سمنت قال .. ورى ماتنحفين ( خير هي لعبة ان رعصت زرار سمنت والا نحفت )
ي / ياااااااااازين هالمذيعة ( ياخي استح على وجهك ,, اللي جنبك قوطي ماتعبره)

لحديث عائشة رضي الله عنها :

كنت أشرب فأناوله النبي صلى الله عليه وسلم فيضع فاه على موضع فيّ,
واتعرق العرق فيضع فاه على موضع فيّ .

رواه مسلم

قالت عائشة رضي الله عنها :
ما ضرب رسول الله صلى الله عليه وسلم امرأة له قط"

رواه النسائي

الموضوع الأصلي: طريقة تعامل الزوج مع الزوجة بعض الناس | | الكاتب: سلووم | | المصدر: شبكة بني عبس