السلام عليكم ورحمه الله وبركاته
مرحبا ياراعيه الموضوع يابنت العز
اولا عندنا مشكله وهي ان الانسان يحط اى موضوع ولايعرف نوع الموضوع اللى يطرحه يشوف موضوع بالايميل او بمنتدي وينسخه ويحطه من غير لايقيم الموضوع اذا يصلح ينزله او لا
موضوعج اختى يصلح لمنتديات مصريه او سوريه او دول المغرب العربي لان عندهم الامور هذي عاديه
مايصلح لمجتمعاتنا الخليجيه اللى يحكمها الدين والعادات والتقاليد
مافيه انسان واعي وعنده غيره يقول حق صاحبه انا احب اختك مهما كان حتى لوكان خبل مايقدر يقول الكلام هذا لان هناك احترام للصداقه واخلاق المسلم ماتسمحله يقول لصاحبه انا احب اختك هذا كلام غريب علينا
الانسان يمكن يحب اخت رفيجه لما يسمع خواته يسولفون عنها او يكون شافها صدفه واعجب فيها في الحاله هذى يقول لامه اخطبيلى فلانه
ويقول لرفيجه من زود حبي لخوتك ودي اناسبك
لكن خبط لزق هذا كلام اصلا ماحد يقوله
ملاحظه خارج الموضوع
كثير من الشباب يمثل العشق والحب على بنات الناس ولما يصير الكلام على اخته ينتفض يبي يذبح اللى يتكلم عليها وهذا حق مشروع له لكن حب لبنات الناس مثل ماتحب لاختك
تقبلي مروري يابنت العز
؟