هلا والله ومليون غلا تو مانور المنتدى
صبحكم الله بالخير
مساكم الله بالرضى والسرور
تعودنا من شاعرنا الابداع والتميز
ولكن المره هذي
ابداع مختلف جمعه بالشاعر الكبير والقدير
الشاعر الغني عن التعريف راشد بن جعيثن
قصيده في كل حرف من ابياتها مميز عن البيت الي سبقه
اتمتى لكم الاستمتاع بكل بيت
::
رديه جمعت
هرم الشعر الشاعر الكبير راشد بن جعيثن
:::::::::::::::::::::::::::::::::::::::::::::::::: :::::::::::::::::::::::::::::::
وقمة الشعر الشاعر الجماهيري ثامر بن شبيب
ياهوه!!
مري على قلبي مثل ناس مروه
وامانتك لاتتركينه لحاله
::
قبلك كثير الي عطاهم وخلوه
لولا ماكان هالحال حاله
::
مثلي لو ان اقراب معارفه جافوه
يموت مايرسل عليهم رساله
::
بس انتي لاقلتي : اشتقت لك يوه
دلهت لو ماني من سنين داله
::
اسمع كلامك اسرح بعيد واتوه
يابخت كل اللي حكيتي قباله
::
سوالفك مثل المسايير لاجوه
رجل يمينه مادرت عن شماله
::
الا على طاري الكرم وين ودوه؟
ناسن على درب الاكاريم عاله
::
كم واحد ربعه كحيلان سموه
ماهو على شانه على شان ماله
::
قولي لهم درب الكرم فوق ياهو
خويكم لو تنفخونه ماطاله
::
من لا يطيب وطيبه الناس شافوه
ماينفعه لا طاب عمه وخاله
::
وانا وقفت وموقفي ماتمنوه
حملي ثقيل اركيت متني وشاله
::
رزقي على اللي فـ / ــبيته الخلق لبوه
الرازق الله ولالغيرة جماله
::
تجمعوا واللي تسوون سووه
حثالة واليا اجتمعتوا حثالة
::
لو ماسبقني بن جعثين على اوه
لاقول بيت ابدعه راشد وقاله
::
طقوا ظلالي كل ماغبت طقوه
مجدين في ظلن هزمكم لحاله
ثــــــامر شبيب
/
\
/
\
جهالة !!
الرجل كان الناس لاغاب سبوه
وقدام وجهه يدعون الجماله
::
شهادة يفخر بها لي تقفوه
عند الرجال اهل الوفاء والشكالة
::
الناس اليا غاروا من الرجل عابوه
جهالة واكبرها من جهاله .
راشد بن جعيثن