ان الكتابة عن عوض خيران لافرق بينها وبين كتابة القصيده لمن لايمتلك الموهبة,,,فهي كتابة تعجيزيه فيها الكثير من التحدي لما لهذا الرجل الشهم الأصيل من المزايا التي يصعب ان تعد وتحصى او ان تتسع لها الذاكرة ويمليها البال
عوض خيران هو عوض الشعر بمرشد البذال وصقر النصافي ,,,
عوض خيران هو عوض ذلك الحر الأ بي الذي لم يحني راسه الا في صلاته,,,
عوض خيران منه نتعلم الوفا ,,,رجل عقلاني وحكيم يقيس الامور بالزمن القادم البعيد ,,,صاحب نظره ثاقبة ورؤية شاملة وفي قصايده نجد نبرة الفارس المغوار وصهيل الخيول الاصيلة,,,, قصايد عوض خيران هي سيف عنتر بن شداد المسلول دون قبيلة بني رشيد ,,,دون الوفا والأخلاص,,,دون الماضي الجميل دون الصداقة الصداقة والذكريات,,,دون المراجل والمعالي,,,دون الحب ,من الحب ولجل الحب...
بختصار شديد,,,, لله درك من رجل وشاعر
هذه قصيايد من قصايد الشاعر الكبير عوض بن خيران الكريباني العازمي
.......(1).......
يازيـن بالله استمـع مـن يحاكـيـك
تراه بأحسن واصدق الهـرج حاكـاك
انا تـراي اغليـك واغليـك واغليـك
عساك تغلـي واحـدن مثـل يغـلاك
متـي انتواعـد وانتلاقـا والاقـيـك
وتسعـد بلقيانـا ونسـعـد بلقـيـاك
وكانك مصافينـي ترانـي امصافيـك
وعطني علا عهـود المواثيـق يمنـاك
امش ابمماشيي وانا امشـي مماشيـك
وامر وأنـا يازيـن ممشـاي ممشـاك
الحـب خـلانـا عبـيـدن ممالـيـك
نخضع ونمشي بأمر مثلـك وشـرواك
اترك ارضاي ارضاي في شي يرضيك
ماعجبك يعجبني ويرضينـي ارضـاك
واصبحت من سبتك وسـط الشرابيـك
اثـره صحيـح ان المحبـه اتشربـاك
لا سلعـة ً تنبـاع يازيـن واشريـك
ولاشـوفـك الا بالمـنـا واتمـنـاك
واهل المحبه مالهـم شـرع واشكيـك
مالي سوا اشكيلك وحل انت شكـواك
........(2)..........
هول الزمان يهول العقل ويهيل
هوله يهول وهولت الوقت هوله
يصفق وصفقاته بروس الرجاجيل
ولا هزت الصفقه شموخ الرجوله
أحدن تجيله صفقت الوقت بالحيل
وأحدن تجيله صفقته بالسهوله
عاق الضعون المقفيات المقابيل
وخوف عقولن صاحيه ومهبوله
من نكبته وحده تضيق المداخيل
ويشيب منها اللي بسن الطفوله
وأحدن عليه الميل وأحدن ولا ميل
وأحـدن لـك الله كل وقته مـيولـه
وبيني وبينه حطت الحمل والشيل
أنسف حـموله وأتقبل حـموله
ودارة بي الدوره من الجدي لسهيل
يدور من حولي وأنا أدور حوله
دورة شغب ماهي بدورة محاحيل
ومواقفي معها مواقف بطوله
عزقه لها مجهر وشاشه ودربيل
ونوبن مثاليه ونوبن زحوله
ويومن على سطح المزون المضاليل
ويومن تقضي وقتها بالدحوله
عجزت أصارعها وأنا مامعي حيل
والصدر ضاق وفزعت الله عجوله
وإن كانها ضاقت على الحال والحيل
وضاقت فيافي نجد عرضه وطوله
مرزوق أبزبن له وأنا ضيف ودخيل
اللي أحتمى طيبه وأخذ فيه جوله
مرزوق أبو هاني نداوي وحلحيل
قلته وقبلي من سمعته يقوله
والطيب واضح ما على الطيب تظليل
ويمنن عنه تقصر ويمنن تطوله
وليت الهموم أليا سرت بي مع الليل
تطشني بين الرجال الزحوله
مثلي ليا منه شكا الضيم والويل
يزبن على مثلك ليا طق جوله
من يوم خلق آدم وحوى وقابيل
الطيب هاك الوقت حزت وصوله
ولا الردي أسمه ردي حظ وبخيل
مغرور في نفسه وينفت بزوله
مافيه لا فزعه ولا له مداخيل
ويمناه من كل الجهات مغسوله
ويحلها الله من روس الحلاحيل
حملي وظرفي والدخيل وذلوله
........(3).........
خيرتلي عن طرق وخترتلـي طـرق
طرق الهنوف الـي ذبحنـي بطرقـه
اما يحرقني حرق ولا احرقـه حـرق
وان ما حرقته له نضامـن يحرقـه
ولا عشت بالحيله ولا عشت بالدرق
ولا تمت في درقا ولا جبـت درقـه
ويا ضلع وين الورق ما مرك الورق
الي عيونـه تسـرق النـوم سرقـه
الي يخيل البرق لو مـا بـرق بـرق
وين السحاب ويـن غيمـه وبرقـه
عنا بحر غربي وعنـا بحـر شـرق
وخفر السواحل بين غربـه وشرقـه
على قوارب بيـض وعيونهـا زرق
ومتوقعين انها تجـي فيـه غرقـه
والرب واحد والبشـر بينهـا فـرق
يبيـن فـي دينـه ودنيـاه فـرقـه
والطيب زرقة رمح وان ما رقيت ارق
قبل تموت وسبـت المـوت شرقـه
........(4).......
الشعر من طاروق يبـداء بطـاروق
وشاعـر يتكيـه وشاعـر يعيـقـه
وشاعر يسوقه لين يطلع من السوق
وشاعر لك الله مـا يعديـه سوقـه
وان دك به خافوق يـا وي خافـوق
انا خفوقـي يستحـي مـن خفوقـه
العام يطلع فوق وطلـع معـه فـوق
واليوم لا فوقـي ولا صـرت فوقـه
ويا بايع الطوقه ويا لابـس الطـوق
الـرزق سابـق والمنايـا سبـوقـه
اكبر غلط بنياً على الطيـن طابـوق
اصرف حقوقه وصرفه مـن حقوقـه
ولا كل منطوقـن يشابـه لمنطـوق
ولا كـل طيـرن يردعنـه سبوقـه
ورجواي بالخالق والانسان مخلـوق
والادمـي نفسـه ووقتـه يبـوقـه
ويا وقت وين الشم واللمس والـذوق
ووين الصحيـح ويـن فنـه وذوقـه
ووين انت يا شايق ووين انت يا شوق
ووين السحاب الـي تلامـع بروقـه
والله يعيـن الـي بدنيـاه مـعـزوق
ولاهـو بخيـل ويابساتـن عروقـه
والادمي مضمـون رزقـه وماثـوق
مـا ضاعـت الـذره والألـه فوقـه