السلام عليكم ورحمة الله وبركاته
انقل لكم ايها الاخوه الاعزاء
هذي القصيده لشاعر..// فهد بادي الشقل
بعنوان ((... سر الغياب ...))
من غاب يا ابراهيم والقلب محروق=محروق حرق النار وسط الهشيمه
غايب وطيفه داخل العين والمـوق=صورة خياله وسط عينـي مقيمـه
والله يا ابراهيم ما شفت مخلـوق=كامل بحسن الزين صوره عظيمـه
ألا الذي كمل ثلاثه مـع الشـوق=حبه وبعـده يـوم يـدي كريمـه
جريت من همي بفرقـاه طـاروق=اثر الغيـاب يزيـد راعيـه قيمـه
محدن عطيته صادق الفكر والذوق=ليت القلم يكسر خواطـره عديمـه
يالله يلي ترزق العبـد مـن فـوق=عبدك فهد طالبـك طلبـه يتيمـه
قلبي غدا من بين الاضلاع مسروق=يالله تـرده والعواقـب سليـمـه
خذاه مني ناعس الطـرف برفـوق=صد وتهيـب غيـض ولا ظليمـه
يمر طيفه نظرة الصبـح بشـروق=براق خده ما غشـا الجـو غيمـه
صفى الحنايا ما بقا غيـر معلـوق=دلا العروق اللي تهـاوت سقيمـه
ما طاح حظه بالردى يكسره سوق=مظهر وجوهر يـا غناتـي ثمينـه
ما كل مطرودن مع الناس ملحـوق=ولا كـل جانـي يتهـم بالجريمـه
مدري وانا طالبه ياخوك بحقـوق=مدري جفـا ولا زمانـه خصيمـه