أعترف أنني سمعت هالقصيدة من صاحبها مباشرة قبل أن تنشر
ماأروعك يا مطيع العوني ..
عني تغيب شلون .. علمني شلون
وباقي العمر وشلون يحلا بلياك
حسيت مالي من بعد شوفك عيون
وحسيت مالي قلب ينبض بفرقاك
العمر باهت .. لا طعم له .. ولا لون
يومك خذيت أحلى لياليه وياك
موحش .. كئيب .. بغيبتك كل هالكون
خالي ولابه غير صوتك وذكراك
منفاي صرت , وصرت أنا فيك مسكون
لاصار ما شفتك خيال .. آتحراك
مرات أقول أيام وأنساك .. وتهون
وأغمض عيوني ... وبعيوني ألقاك
القلب لو ماهو بالأضلاع مسجون
مبطي رحل يمك وجاك يترجاك
أنا حفظتك ليه ترضى لي الهون
خليت روحي صيف وتحن لشتاك
مرمرتني .. وأنا بلياك مغبون
شيءٍ خفا هالناس ما ضن يخفاك
يا ليت كل السالفة جرح وطعون
صدمات عمري كلها من فداياك
معقولة هذا اللي يسمونه جنون
رميتني للحزن .. وأدور رضاك !!