بالهرج لامن صـار مافيـه حيلـه
يمكن مع الاشعار يظهربـه الحيـل
وافراق مثلـك ليـل بألفيـن ليلـه
لاصرت بالديره وانا عنُـك بالنيـل
يالغالـي اللـي مـا ادوُر بديـلـه
حتى لو انه صـار يحتـاج تبديـل
بين الضلوع العـوج حبـك بشيلـه
واحفظه لـو انـه يتعبنـي الشيـل
والله يرجـع كـل خـل لخليـلـه
وانا من افراقـك عرفـت البهاذيـل
والدرب ضيعتـه لـو انـي دليلـه
من بعد ماني كنـت اقايسـه بالليـل
واشيا تصير وحاجتـن مستحيلـه!!
فرقاك من عقب الغزل والمراسيـل
والحـب مانخلـي لغيـرك سبيلـه
لو حط ما حطه ولو يدبـل الكيـل
وانا غرامـي فيـك نـادر فصيلـه
امفصله رب المـلا فيـك تفصيـل
وابيات شعري فيـك حاجـه قليلـه
مايشرحـك لاشعـر ولاُ مواويـل
لكن تـرا مالـك معـي بالطويلـه
مقفي على خيلي وابرجع على الخيل
لنـك مـن اللـي يستحـق انعنيلـه
والصعب من دونه نشوفه تساهيـل
ويالله عسى مزنـآ ينومـس مخيلـه
صدقآ حقاقـآ فـي حلـو الهماليـل
أتدفـه الاريـاح بـأيـت وسيـلـه
شرق البحر لحمر شمال الفحيحيـل
دار الـذي فرقـاه جمـر المليلـه
والقلب فيني مثل صفـر المعاميـل
والشوق جوف الصفر بنـه وهيلـه
والوصل يالاصحاب سوق الفناجيـل
والجمـر ماتصبـر عليـه الفتيلـه
لو ان صبـري زاد والبعـد تنكيـل
جربت بعدك والتجـارب حصيلـه
يلعنـك يابعـدآ كثيـر التفاصـيـل
تكفينـي الجزلـه واكـب الهزيلـه
لا صار في سوقك جميل التماثيـل
والهرج كانه صـار مافيـه حيلـه
يمكن مع الاشعار يظهربـه الحيـل
................؟؟؟؟؟؟؟؟؟؟؟؟@