لازان بك ياصاحبي مجلسك فز
فز اوتحرك لا يشين المقامي
زينة تجي وتروح في كامل العز
مرفوع راسك في مصاف الحشامي
دامك كريم وبالكرم دوم تعتز
لاتنحنى يكفيك كسب الكرامي
لو طال مجلاسك خطيرٍ بتهتز
مكانتك ويصورونك حرامي
خصوص لامن صار حولك مخنز
يطرب على الكبوة وللشين ظامي
تلقاه في هرجه يسولف ويلمز
ويسوّق السبة بموقف درامي
يضحك ويتفاخر مع كرشة الرز
ويشوف نفسه فوق كل الأنامي
يسرق ويكذب دوم ينصب ويبتز
ويطلق على نفسه مسمى عصامي
خذها نصيحة وافتهم لي وركز
قبل الندامة يا مفسر كلامي
اترك مكان فيه ناسٍ تعزّز
وارحل لديرة ضيفها ما يضامي