رشيدي ... جديدي اليكم
اليكم الجديد عسى أن يحوز على رضاكم ... بدون مقدمات
قصايد على المسحوب جزلات وسماني = قصايد غرام وشوق وأحلام ورديه
واذ جيت ابوصف من ذهب زين الأثماني = جمالٍ طبيعي والشقا عين بحريه
عيونٍ تهز الشوق تآمر وتنهاني = مثل مايهز الغصن بالدوح قمريه
وقل الربيع اللي له سنين ماجاني = يمر الديار اللي شمال السعوديه
يسلم على ريمية القلب من شاني = رشيدي وقلبه عاشقٍ له رشيديه
ولا يالعذول اللي على البعد تحداني = معاليق قلبي في هوى حب نجديه
يطير الحمام اللي تعلى عن أغصاني = يوصل رسايلنا على العز منقيه
يجوب الديار وخاطري منه مايعاني = وأنا بنتظاره يالله ترجعه ليه
أحبه وحبه واصلٍ حد الأدماني = بقلبي وأقول أن الغلا زايد شويه
هواجيس فكري والهواجيس تنعاني = على اللي مكانه في شمال السعوديه
شعر : جميل مساعد الرشيدي
آخر تعديل بواسطة ذيبان الرشيدي ، 01-04-2010 الساعة 12:29 AM.
السبب: إضافة القصيده بعد التعديل ..!
|