كريم يابرق عيوني تخليه=فوق من مجزل وحدر من طويق
سريت يابارق وسريت مشتاق=لمعك كم لمع الثنايا البواريق
اللي تحتها جمرة مالها واق=ياكود تقوى رب كل المخاليق
يامرحبا ياسيد تلعات الاعناق=ترحيب معطر وفي مثلك يليق
تمرني ذكراك مع طيف الاشواق=واسج مع ذكراك مرات وافيق
افيق واقاف لو وقوفي على ساق=حلم واحاول فيه واسعى لتحقيق
حب ترعرع واستقر بين الاعماق=كانية عن سود الوجية المطافيق
اللي هدفها تزرع ابعاد وافراق=تولع الفتنة بروس العشاشيق
واليوم انا لمشاهدك حيل تواق=معاد بي صبر ولاعاد انا اطيق
ودي بشوفك يااريش العين مشتاق=للجمرة وهاك الثنايا البواريق
آخر تعديل بواسطة نواف بن مفضي ، 25-03-2010 الساعة 04:21 PM.
توقيع اخوصلــــفه |
يامستغيب الناس ماني غيوبي=ماني لغيري لابودي ولاجيب
عن عيب غيري مشغلتني عيوبي=من يشغله عيبه ماشاهد لاحد عيب
الصدق مثل الريس من الدروبي=اللي ماتغني عنه كل المجانيب
والكذب ضلمه فوق وجه الكذوبي=ضلام ليل ولاضلام الاكاذيب
|
|