اول كلامي هو سـلام وتحيه=للوافي الزحزيح ( راع ) الجمايل
عبدالله محيا عزومـه قـويه= كفـو كـفو مليون والشك زايل
عبسي ومن ربعي رجال الحميه=خيالة العوجه سيوف(ن)صقايل
ياحـي طاريه ويا حـي حـيه=يا حي رجل(ن) صار مثله قلايل
تسطـف له ابيات شعري سريه=يستاهل اللي به يسوق المثايل
صيتـه رقـا من فوق روس البريه=بفعال لاتحصاء ومعها دلايل
طيـب وكـرم وافعال ماهي خفيه=افعال تـذكرها جمـيع القبايل
لـو اذكر افعاله بـوقت العشيه=ما وقفـت لصبح كـلها جزايل
والشختـلي جـاتك بيوته هديه=من طـيب فعلك جات كلها هوايل
قـلت القصـيده ماهي لأجل العطيه=ولا لها نيـه بـوسط القوايل
وآخـر كـلامي يالـرويضي وصيه=وصـل سـلامي لرفاقه بحايل