يالربع ياللي مثل ما قيل غالين
ياللي لكم بالقلب قدر و مكانه
يصحابنا ياللي على العز وافين
مقداركم محدن يقدّر كيانه
لو الغلا سلعة بسوق الملايين
أشريه لو أتسلّفه بالإعانه
وأهديه للي حبهم فالشراين
هم ربعتي في جوف قلبي وأمانه
لو يكتب الشاعر مجلد دواوين
ماينحصيهم إبجزالة لسانه
ياجاهلن بالقول بعد العناوين
يا قاري العنوان هذا بيانه
(بدر) و(أبو مالك) على الراس والعين
و(أبوسعد) قوي بآسه وشانه
الله يوفقهم على العسر واللين
ويجعل لهم بالعز منزل وخانه
خوة نشاما ما هي رفقة رديين
واللاش تكسيه العرب بالإهانه
وختامها طلبتكم قولوا آمين
الله يرفع قدر ذيك المكانه