ياقلبي اللي ساهر الليل الطويل
حتى نهارك مارقده كامله
كنّك مثل خطوا سفير ابلا دليل
وهموم بقعا فوق راسك حامله
سديت نفسي ياعسى ماني عليل
واصبحت اجامل والردي ماجامله
شي طرالي من كثير ومن قليل
ناسٍ على هرج القفا متعامله
محدٍ سلم منهم ولو عابر سبيل
من شافهم ارذال قومٍ ثامله
والساكت اللي جالسٍ معهم ذليل
واذنوبهم وان كان يسمع شامله
لكن على الله واكل ونعم الوكيل
يعقل علي بعض الامور الهامله
خوة رفيقٍ مايدوّر له بديل
وشوفة غضيٍ مبدعٍ بنامله
وياقلب لا تحزن واذا كانك عليل
تراك من ضمن الرجال الصامله