.
.
.
مشكور ياللي فـي عذابـي تفننـت
منك عرفت ان الغلا ملـح ذايـب
فتشت في قلب العنى مابـه الا انـت
متربـع ٍ سويـت فيـه العجايـب
تعصف بي الاوهام من وين ماكنـت
وآمال راحـت ضيعتهـا الهبايـب
لاتحسب انك محسن ٍ وانت ماحسنت
صنعاً.بمن يذكرك حاظـر وغايـب
بالخير.ياللي مـن خفوقـي تمكنـت
جيتك بدون شعور مانيـب هايـب
واعطيتك احساسي ولايوم لك خنت
وشديت لك بالقلب كل الركايـب
وانا اتمنـى يومـك اقفيـت بينـت
اسبابك اللـي مبهمـاتٍ غرايـب
ويومك نويت الصد في خاطرك شنت!
مافيه داعي كان خاطـرْك طايـب
غـلاك هش.اليـوم فقـط تيقنـت
ان المشاعر فـي محيطـك خرايـب
رحت الـ.يسار الدرب وانا تيامنت
دربي يمين ٍ واعرف الـراي صايـب
ودامك كذا,, مع السلامه ولاهنـت
بشرعك عرفت ان الغلا ملح ذايـب
رآقت لي