عذروب وصلك جمر وهـذا الـذي محليـه
يابهجة النفـس باقفاهـا ...... وبقبالهـا
وليل ضوى بك عذى ..... يعلني ما ابكيـه
يـازيـن شمـسـه ويامـحـلا تختالـهـا
سبّقـت قبـل الفجـر والفجـر مايمـديـه
يلحـق سنـا مفـرق الحجّـة ويبرالـهـا
هذا الضحى جاز لي وهذا المسا..... بأسريه
ويحلّهـا ....ياوزيـن الــروح حلالـهـا
عشقتك سوالف مطر جاب الوسـم طاريـه
لاجابتـك ليلـة الفرقـا .. علـى بالـهـا
تبغى ندلـك نـدل ... تبغـى نتيـه نتيـه
النـاس ماشـي غيـر ارضـاك يحلالهـا
مادمت ناعس هدب تسهـر عيونـك ليـه
خـل السهـر لـي وأهدابـك علـى فالهـا
مادمت باشا علـى عـرش الغـرام وبيـه
النـاس للنـاس ... والجـدران لظلالـهـا