سبع الفلا الضاري
ياسلامي على اللي يستفيد ويفيد=من هجوسٍ سفايفها على أركابها
الجحش رشحوه بمنتدانا عميد=والسباع الضواري سكروا بابها
الجحش
مرحبا بالحرار ومرحبا بالعبيـد=وانت راع المطيه وانت ركابهـا
الجحش صاطيٍ سيفه وقوّ الحديد=والسباع الضواري تسحب اذنابها
سبع الفلا الضاري
البقاء بالقريّب وبالبقاء بالبعيد=والخطيه تحمّل واحدٍ جابها
جبت عيد الضحيه وأنت بثياب عيد=والسباع الضواري تضرس أنيابها
الجحش
مانبا الحقائـق والكـلام الاكيـد=والخطيه خطيبه عنـد خطابهـا
ماعلينا من اللي ينضمون القصيد=عان ناري ونارك جاك شبابهـا
سبع الفلا الضاري
الحقيقة نبا نسمع بشيءٍ جديد=أنت داري بطيبه وين محرابها
ماوراء عنتره هل حين عقدٍ فريد=مار بعض العرب شرّق وصلابها
الجحش
آه واقلبي الـي قـام همـه يزيـد=تعبت الرجل والنفس الملل صابهـا
مات عنتر وصيته مثل صيت ابو زيد=واكثر الناس زمـلٍ عـوجٍ ارقابهـا
سبع الفلا الضاري
حسبي الله على اللي رميته بالوريد=راح فيها الجحش وأن مات باسبابها
كل ماقمت أبا أضرب رأس حيدٍ بحيد=قامت أجبال بقعاء تضرب أهضابها
الجحش
يوم شفت البنفسج قمت اكرر واعيد=لو اسولف معك نفسي على اعصابها
كيف اصلّح ماسنجر كيف اصلّح بريد=مير انا اخاف اصلّحها ولأ القابهـا
سبع الفلا الضاري
رحت أزور المريض وصار دونه شهيد=مات من طعنة السكين بأنصابها
ياالله إني بوجهك يالحمار المريد=كيف يطمر على الخيمه مع أطنابها
الجحش
والله اني لاكبك بالصحاري وحيد=وازبن الهضبه الي تعوي اذيابها
كلنا نريد والله يفعل اللي يريـد=لاتـذم الرجـال ولا تهزابـهـا
سبع الفلا الضاري
أبك حضي شقي وألاأنت حضك سعيد=المراية تجيك ولا تمرّابها
الغزال الفريد أليا نظرني يحيد=مثل قفز الشبح لاتلت أسرابها
الجحش
لايغوّيـك ويغـرك لعيـن الكديـد=والله انك بنعمه , غيـرك اولابهـا
ماب رؤس الضباعيشه لونك تصيد=طش رؤس الضبا وجنوبها اجتابها
سبع الفلا الضاري
أحسب إنك تزلج لا لقيت الجليد=وأثر الاصحاب تعرف نية أصحابها
تستنير الرجال بعقل رجلٍ رشيد=مار ابا عيد هرجه ماهرجنابها
الجحش
مع نسيم الهوى يهتزّ خضر الجريد=والعصى ماتعصّي مـن تعصابهـا
من يعيد الهروج العوج مايستفيـد=سرّهـا سرّهـا قـدام يسرابـهـا
سبع الفلا الضاري
أثر هم الشواوي برق مزنٍ سديد=ينفعه شوف عينه والهوا أقفابها
القضية تبا شيكٍ يهز الرصيد=وأنت تاجر وتقدر تدفع احسابها
الجحش
العرب ماتناسو خالد ابن الوليـد=يكرم ابن الوليد محني احرابهـا
اخرالوقت صارت ضرب خيلٍ إبّيد=لوجبال العلم نصعـد ونرقابهـا