وأبيات مرغوبة عجزت افتكرها
وأبيات مكتوبة في أربـع ثـواني
وأبيات عـاشت تنتظر في قبرْهـا
وأبيات مـاتت بين قلب ومحاني
وأبيات ناطر ينكشف لي أمرْهـا
وأبيات خـاطر سـاقها وابتـلاني
بالمختصر هذي القصيدة فبحرْها
تحكي متاهـاتي وغـربة مكـاني
تحكي ليالي غـاب عنها قمرهـا
تحكي سنين الهم فيها احتواني
تحكي أحاسيسٍ طفـاها جمرْهـا
تحكي وساويسٍ نفـاهـا كـيـاني
تحكي عن اسرارٍ تنـاثر خبرهـا
تحكي عن اخبارٍ طواهـا زمـاني
مدري وش اللي حدّني ابتكرهـا
مدري وش اللي في بحرها رماني
حاولت اعدّلها واخفف خطرهـا
لكن ضميري قـام فـزّ وعصــاني
أنا احمد الله خـافقي مـا نشرهـا
(عارف) حبيبي لو قراها يعاني
لكن ضروري أطلبه يختصرهـا
ويضيف بعض احلامنا والأماني