[ذبحني غروركـ]

مابقى ياسيدي بروحي اماكن
كل عرقن ممتلي غيض ومروه

ملت اوجاعي تنادي وانت ساكن
لين صبري من كثر صبري تشوه

وش يحدك بعد ما حبك تماكن
تسلب حلامي على وعدن مموه

لاتعلقها على يمكن ولاكن
تلها والا اترك الجمر يتفوه

والعيون اللي على طيفك تباكن
لوتمر قبالها ماقلت قوه

شف على كثر الشوارع والمساكن
مالقيت الى فتح باب الخوه

انت ماخليت غير الياس ماكن
في خفوقن ضيق الحرمان جوه

ما ابيك تعودلي والشوق راكن
رح وحبلك عن غدير الحب طوه

الموضوع الأصلي: لاتعلقها على يمكن ولاكن.. تلها والا اترك الجمر يتفوه | | الكاتب: ذبحني غروركـ | | المصدر: شبكة بني عبس