ياعين لو همي لزا بأقصى محاديب الضلوع
والريح هب بعكس وجهات السفينه والشراع
في يوم فرحة كل غالي لاتهلّين الدموع
حتى ولو يوم الفرح عندك مثل يوم الوداع
أنا أدري إن الياس له في نبضة الخافق طبوع
وانا أدري إن الحزن له في نظرة العين إنطباع
لكن وش اتفيد الحسافه يائس القلب الجزوع
مادام كل شي إنتهى وش فايدة كثر النزاع؟
تلاشت آمالي وهم بين الغداري والسطوع
والحظ وقـّـف دونها وقفات خيال ٍ شجاع