صدقيني لوبقى للشمس نور
مابقى للقلب شيٍ يشتهيه
وصدقيني لو بقى للحب دور
ماتعدى من الخجل لونطق هيه
وصدقيني لو شكى المظلوم جور
ماقدر للي ظلم يقول ليه
وصدقيني لو دخل قلبي شعور
نلتقي يرجع على فركة يديه
وصدقيني فارق القلب السرور
والحزن حوط علي بساعديه
وصدقيني عالمي كله دبور
وش بقالك في زماني تحتريه
وصدقيني دورة الدنيا تدور
ومن سلم حزه ترى دوره يجيه
وصدقيني مالمس قلبي غرور
كيف بس ولا حصله مايبيه
وصدقيني تهت في مثل البحور
ومن وقف للموج يلعن والديه
وصدقيني ياشذى كل الزهور
غير حبك في حياتي ما ارتجيه
وصدقيني غيبتك عني شهور
بينت فاللي يحب ومقلتيه
وصدقيني لو قست كل السطور
ماقسى قلبي ولن زل اعذريه
وصدقيني كل ما فالحب زور
ولا بقى للقلب شيٍ يشتهيه