|
|
مقناص كرك وارانب وبط
السلام عليكم ورحمة الله وبركاته:
اعتذر لبعض الاخوان الذين سبق وان واعدتهم بان المقناص القادم(هذا المرفق صوره)سيكون افضل من المقناص السابق(من اجمل صور مقناصي هذا العام)والذي تم المشاركه به في منتدى مكشات. الحقيقه ان المقناص هذا ماكنت مرتب له زين لاني حاط في بالي اقنص بعد آدائي للحج ان شاء الله تعالى,الا ان الاتصالات تجيني من بعض الاصدقاء يؤكدون ان الايام هذي عبر عليهم الكرك والبط .اما الارانب كثيره ومربعه, عاد ما اطول عليكم ولا يبي لها تفكير مشيت في الحا ل ومعي كحيلان (فالح) ومشينا الاربعاء الساعه 5العصر ووصلنا ارض المقناص الخميس الساعه 5الفجر.يعني مشينا 1600كم شمال,(والفاهم لايعلم) المراد لقينا ابو عبد الله مجهز نفسه وعاس الارض ,وطحنا في اجوال الكرك, ويوم امنا غدانا وعشانا ريحنا عقب مشوار السفر(والله مهنا تعب )بس الجسد له حق.المراد ماعاد قنصنا اليوم هذا كله الا اول الليل ذبحنا كم ارنب (9 ارانب) .بعدها على ها المنوال النوم الساعه 11بالليل ونصحى الساعه 4لصلاة الفجر ثم الفطور والسا عه 6مقناص الكرك والبط والارنب حتى الساعه 11الضحى نتغدى ونريح ,والساعه 3العصر مقنا ص الى مسيان.والصيد واجد والارض قفر ماحولك احد.في الليل الساعه7ناخذ لفه للارانب نذبح 5ونعود للعزبه ,والجو ولله الحمد كان دافي ,والامور ازين من الزين مع اهل الحل والعقد, اخذنا لنا ازود من نصف الشهر مرت كا نها يومين من الراحه والتوفيق ,ومن كثر الصيد اللي حولنا من العربان له سهم من صيدنا كل يوم ,اللي ناكله معهم واللي نعزله لهم,والله ماركب معنا يوم ننكف للرياض من صيدنا شي لاكثير ولا قليل (الصيد متعة اكله في محله).وهذي نماذج لبعض صيدنا مصورينه بالجوال(انا ما احرص على التصوير ولا اللي معي ).لكن الوعد ان شاء الله بعد الحج.
هذا فرخ كرك من طيب لحمه صرنا بالمطراد نحرص على الفرخ
اعداد الاخ صلفان.نجد من مكشات
وسلامتكم
|