[يجيني طاريك]

السلام عليكم ورحمة الله وبركاته:ـ
وصلتني قصيده من أحد الأخوان والأصدقاء المقربين لي جدآ
موجهه للدكتور/ عبدالله بن سعد العويمري الرشيدي
وهو غني عن التعريف ولايخفى عليكم هذا الرجل العظيم ,
وعندما وصلتني القصيده تفاعلت مع أبياتها القديره والتي
يستاهل مضمونها الدكتور / عبدالله بن سعد الرشيدي لمواقفه
التي نعرفها جميعآ تجاه القبيله وقمت بالرد عليها شكرآ لقائلها
وتبجيلآ لمن وجهت اليه ,

وأترككم مع القصيده المرسله :

للحق شمس وللمواقف رجاجيل

وللطيب صيت وللشجاعه مهابه

وللصبر حد وتتبعه طفحت الكيل

وللظلم ذنبا دعوته مستجابه

مني لعبدالله سعد ألف تبجــيل
حر ينومس بالهدد من هقابه

مواقفه تبقى مثل نجمة سهيل
يفداه من يشبه حظوره غيابه

يامدعين الحق شمسه غدت ليل
عليه من طمس الحقايق سحابه

لو تزرع الحنظل على ضفة النيل
يبقى ثمرها مستحيل شرابه

أهل القلوب الحاقده والأباطيل
شبت على وكر الخزى والزلابه

قولوا لهم مادامها بالمراسيل
قولوا لهم لايحسبونا غلابه

قولوا لهم حنا هل السيف والخيل
قبل الرسول وقبل عهد الصحابه

بني رشيد اليابدا بالدهر ميل
الله وهبنا بالشدايد صلابه

ردي على القصيده :

أضبط لي الفنجال وزود لي الهيل

أبتقهوى وأتكيف شرابه

أسبوع فكري منعمس عمس بالحيل
واللي شغلني شي ماينحكى به

ماقصدهم غير التبجح بأقاويل
والشمس مايحجب وهجها سحابه

سلام مني لأبوساره بلا ميل
حرن ينومس من نصاه وعدا به

كفيت بأبياتك مرام وتفاصيل
وشكرت فيها اللي عزيز جنابه

أبوسعد يثبت أقواله بأفاعيل
كم مستحيل صعب حاول وجابه

من لابة لامنها غارت الخيل
خصيمهم ذاقت عجوزه مصابه

بني رشيد اليا طفح كفة الكيل
ترجح بكف الكيل غصب ومهابه

وختامها عن ساقط القال والقيل

الشمس مايحجب وهجها سحابه

وسلامتكــم

تقبلوني بود
دمتم بخير
يجيني طـاريكـ

وسلامتكــم

تقبلوني بود

دمتم بخير
يجيني طـاريكـ

الموضوع الأصلي: بني رشيد اليا طفح كفة الكيل =ترجح بكف الكيل غصب ومهابه أهدء لكم | | الكاتب: يجيني طاريك | | المصدر: شبكة بني عبس