[محمد الدغباسي]

مساء- صباح الخير اضع بينكم نص من الشعر المتواضع لعله ان ينال على اعجابكم ويرتقي الى ذائقتكم

ياللي بعينك يم صوبي تلدين=تبين من شعري واخر قصيدي
الشعر مااقوله لناسن مجانين=احشمه وارفعه فوق ويزيدي
شعري رفيقن لي على العسر واللين=معاي في كل الامور وعضيدي
ماهوب من شعر الهزل والدنيين=ماهو كبر ولا لغيري جحيدي
بس الحقيقه نعرف الزين والشين=والبيت يبنونه بساسن جويدي
حتى المجالس تنوزن بالموازين=ماهي سوى اخذ الكلام الوكيدي
بعض المجالس مدهلن للعزيزين=تعنيلها لو كنت عنها بعيدي
يازينها جمع الرجال الميامين=الكل من مجلاسهم يستفيدي
وبعض المجالس مابها الا الهياسين=يالله ياعل اشكالها للمبيدي
الطايله ماهي لناسن رديين =من دونها دربن صعيب وتليدي
وانا من اللي يرجحون الموازين=شرن على العدوان ضد الضديدي
ربعي هل الطاله وسقم المعادين=الي الفخر من عبس عرقي رشيدي
يومنها بالسيف وسط الميادين=حنا طحنا قاسيات الحديدي
فينا الولد وقفته تكفي كثيرين=على الوفا والطيب لا مايحيدي
ويازينها شوفة صفوف المصلين=ياكلمالي بالحياة ورصيدي
من الخشوع تطيح من محجر العين=دمعة رجاء لله رب العبيدي
ويالله تغفرلي ذنوبي وتعفين=وعن الخطاء تجعل لساني بعيدي

الموضوع الأصلي: عرقي رشيدي | | الكاتب: محمد الدغباسي | | المصدر: شبكة بني عبس