ناصر الشويلعي
الليله الليله نبا علوم الجحش بعد الغياب=يالله عساها خير والدنيا وسيـع ٍكونهـا
بعد غيابك مالقينا اللي يشيللنا القـراب=مايشيلها الا العير والدنيا وسيع ٍكونهـا
الجحش
الليله الاجوى يابو خالد مغطيهـا الظبـاب=مايخترقها الطيـر والدنيـا وسيـعٍ كونهـا
انت الجدي وسهيل يطلع بالسما لو كان غاب=واسف على التاخير والدنيـا سيـعٍ كونهـا
ناصر الشويلعي
انته تحملت التعب في هالمغيبه والعـذاب=يالجحش وضعك غير والدنيا وسيع ٍ كونها
ان كان حليت السوال اللي ماعيّن له جواب=اعطيك كيس شعير والدنيا وسيع ٍ كونهـا
الجحش
مال الصعاب إ لا الرجال اللي يحلون الصعاب=من عبس ولا مطير والدنيا وسيـعٍ كونهـا
مغنيني الخالق عن ارزاق البهائم والـدواب=يالزير يابـن الزيروالدنيـا وسيـعٍ كونهـا
ناصر الشويلعي
ياكثر هرجك بس ماترقى الطويل من الهضاب=لاتغيـر التعبيـر والدنيـا وسيـع ٍ كونهـا
ترى الجمل له ناب وانته يالجحش مافيك ناب=ماتشيل حمل بعير والدنيـا وسيـع ٍ كونهـا
الجحش
الله واكبر لو يعود اسبوع من عمر الشباب=يصير ويش ايصيروالدنيا وسيـعٍ كونهـا
لو اتوايق مع فمك مامن ضروس ولا نياب=حلقٍ سوات البير والدنيا وسيـعٍ كونهـا
ناصر الشويلعي
كبر جحشكم ياهل الديره يبا زاد وشـراب=من عقب ماهو صغير والدنيا وسيع ٍ كونها
لاوالله الا حلقك اللي يندعس به كـل داب=لو قصدر بقصدير والدنيا وسيـع ٍ كونهـا
الجحش
ان جعت اكلت شواك والباقي رميته للكلاب=اللي ماغير تغير والدنيـا وسيـعٍ كونهـا
عيني تناظر للسما والا انت عينك لتـراب=ياشحمة الخنزير والدنيـا وسيـعٍ كونهـا
ناصر الشويلعي
انته ماكلت الا طعام يخاشرك فيه الذباب=يامدور التوفيروالدنيـا وسيـع ٍ كونهـا
انته تجي وتروح بالميدان وتود الشبـاب=وتصبر على التعزير والدنيا وسيع ٍ كونها
الجحش
وشبك تعذرب في زهابي ياخشيري فالزهاب=ياعمدة الخرخير والدنيـا وسيـعٍ كونهـا
حول القصبات الهوائيه معك شبه التهـاب=يحتاج لك تخدير والدنيـا وسيـعٍ كونهـا