[(*العرعري*)]

مساء الخير
قصيده لعميد الشعراء قديمه

خلي اليا هب الهوى من يمه=ماغير ريح المسك والريحاني
والعود موزن مايتقاطع جمه=وان هبت الارياح مال ولاني
صغيّرٍ سنّه خفيفٍ دمه=ماشاقني غيره من الخلاني
يهمني همّه وهمّي همّه=مجربه والتجربه برهاني
وان جيت يمّه والعرب ملتمّه=اصد وأطالع لشخصٍ ثاني
اغضي عنه تقول ماني يمّه=وأنا بغبّت عشرته غرقاني
اخاف من ناسٍ هواها النمّه=تمشي وتشعل بيننا النيراني
بعض العرب فاقد ضمير وذمه=ماتعسره تفريقت الصدقاني
قلته وأنا اللي طحت في هالامه=صادوني اتلى الوقت صيدٍ ثاني
خلوني ابعد عن مليك القمه=اللي ملكني بالهوى واشقاني
من عقب ماني باليدين اضمه=اليوم ماجيته وهو ماجاني
اقفى حبيبي والاثر مندمه=ماغير ذكره باقيٍ وحداني
لا واهني امه وبوه وعمه=اللي يشفوفون ادعج الاعياني
النوم يخطيه الجفن ويخمه=والسر من صكات بقعى باني
والخد عبرات العيون تطمه=طم البحور لقاعها الملياني
يارب تجمع شملنا وتلمه=عقب التفرق ياعظيم الشاني

تحياتي لكم

الموضوع الأصلي: قصيده قديمه وغزليه للشاعر ناصر المرسال لم يتم نشرها من قبل | | الكاتب: (*العرعري*) | | المصدر: شبكة بني عبس