18-01-2010, 03:12 PM
|
|
كاش
قصيده عجبتني وتمنى انها تعجبكم الشاعره قصيره القوافي
عهد الوفى باقي على عهد مبناك
اليوم وامس ومابقالي من اسنين
عهدٍ صدوقٍ لا حشا ماتعداك
مكتوب باسمك مايبيله براهين
تفداك كل الخلق والروح تفداك
راضي بدستورك على الراس والعين
أطلب من المولى يصونك ويرعاك
قلبي وروحي لك على العهد وافين
لا ظرف يبعدني ولا وقت يمحاك
خذني قطاه ولمّني بالجناحين
الروح توفيلك ولايوم تعصاك
تمشي على حسب الوفا والقوانين
للبدر نور ونوره الكامل اعطاك
والنور قرب النور للود نورين
القلب يكتب لك غلا يوم يقراك
في صفحة العشاق ما بين قوسين
كلمة أحبك قاصره عند طرياك
حبي كبير وكلمة الحب حرفين
الطيب عاداتك من اولك لاقصاك
يامن ملكت القاف جيمه مع السين
ينصاك حرفي والمواثيق تنصاك
والحب كله لك حروف ودواوين
أعطيتك القلب الوفي والغلا جاك
كلمه وخذها كاش ما فيه بعدين
الشاعره بدر الوفى
قيصرة القوافي
|