ماعاد به عذر والموضوع لابده
والحق يرضي الاوادم والله الوالي
غير اخذ لك قاف يالمرسول واشتده
وشغّل بلوتوث ذهنك واقبل ارسالي
وسلم على صاحبي في اللين والشده
وقله ترى صاحبك الاول و ما زالي
صداقته بالوفا والطيب ممتده
ما عكّروا صفوها بالقيل والقالي
وان كان بعض الدعاوي بيّحت سده
يوفّر اقواله وبأوفّر اقوالي
والناس ماهي على الاديان محتده
لكن والله ما ازعل صاحب ٍ غالي
اما الربع لا نووا فـَ/الشده الشده
وانا على مايبون بحالي ومالي
الطيّب اللي ليا جا لازمه سده
والا الردي دايما ً في الموقع الخالي
وخل اخر القاف لاهاته ولا وده
انا اتكفل به وبرسله بلحالي
اغلا المشاريه تحمل تهمة الصده
وتشب نار العتاب وتعطي الصالي
والناس كل ٍ يحدد شفّه و وده
وانا لذالحين وآنا اجدد امالي
في الجادل اللي من الايام ملتده