مساءكم /صباحكم ~> طهر و نقاء
اليوم و أنا أعبث بمحرك البحث (قوقل ) ..
رمتني الصدفة على قصيدة لـ شاعر
اسمه ( عبد الله ذويبان ) ..
بصراحه أعجبتني إلى أبعد الحدود
و حبيت أنقلها لكم :
معنى على معنى .. و طرق .. و تراكيب
همـي و تفكيـري و صوتـي و قافـي
عزله عن العالم .. و حزن .. و مصاليب
دمع و سكوت و قطع وصـل و تجافـي
ليلة قصيد .. يِـرّد عنهـا الأصاحيـب
و على إنفراد .. اِتبـاح فيهـا الخوافـي
يا هابـس .. الدنيـا متاهـة سراديـب
ماهي على ظنّـك .. سحـاب و فيافـي
شف رجفة كفوفي علـى طـارة الجيـب
تنبيك عـن رجـف الضلـوع الروافـي
شايب ولو ما بان فـي راسـي الشيـب
الشيـب فـي جـوف المعاليـق ضافـي
في كل مره تشـرق الشمـس و تغيـب
و انا على وضعـي .. جفافـي جفافـي
إن شفت بوجيه العـرب لـي تراحيـب
ما شفت بقلـوب العـرب لـي مصافـي
بعيونهـم كلـي عيـوب و عـذاريـب
و أصدق عذاريبي .. سبـب لاختلافـي
هذا زمـان الكـذب و الغـدر و العيـب
ما هـو زمـان يعيـش فيـه السنافـي
إن جيت أغنّي يقصر القاف .. و يشيـب
و ان جيت انام الليل .. يقصـر لحافـي
و ان جيت أسولف للجـروح المعاطيـب
أعطبـت فينـي كـل جـرح متعـافـي
ضاق الحشا .. و الصمت يحتاج ترتيـب
و انا علـى صمتـي كتبـت إعترافـي
الأرض مالت .. و الفضا وضعه مريـب
و أربع جهات الكون .. سجن و منافـي
أكتب و لا ادري ويـن أودي المكاتيـب
المـوت قدامـي .. و عمـري خلافـي
يارجـل سجّـي فـوق روس المراقيـب
مـن قبـل أسوقـك للبحـر و المرافـي
ويا راس و ان دارت عليـك الدواليـب
عن طيحتـك .. تفـداك روس الهرافـي
مـا طوعنّـي زاهـيـات الجلالـيـب
و لا أكسـرونـي لابسـيـن القحـافـي
إن متّ .. موتي مـن كبـار المكاسيـب
و ان عشت ..( ُحرّ ) بوقفتي و أنصرافي
//
و يارب يكون ذوقي أعجبكم
و دمتم بحفظ الرحمن ^_^