[فوزان بن مربح]

عصبة القوم
اخواني السلام عليكم ورحمه الله وبركاته
اهديكم هذه القصيده التي نالت الشرف بالقائها على متن السحاب بالرحله رقم 63 المتجهه من الخرطوم الي كسلاء والحامله على متنها معالي الوزير مبروك الرشيدي ومستشار الحاكم لدوله السودان ومعالي المهندس مبارك الدويله ووفود قبيله بني رشيد من جميع الدول ولاني اول مره القي القصيده بالفضاء فقد لقبت بشاعر الفضاء وشاركني بهذا اللقب الشاعر سويلم مناحي على نفس الرحله وايليكم القصيده

من بلاد النور مملكة السعود=جيت من دافع محبه واحترام
اتشرف وافدا بين الوفود=عند اهل واخوان واخوال وعمام
الرجال اللي بقو عزم وصمود=واعتلو من ذروة المجد السنام
القصايد عن شعوري ماتذود=وموقفي من بينهم تاج ووسام
مايفرق عصبه القوم الحدود=ولايحجب الشمس عج ولاعسام
ولانقول الحق مايبغي شهود=مابقى البرهان موضوع اتهام
ياسلايل عبس ياشبال الاسود=ياهل الفزعات مروين الحسام
استووبصفوفكم وارقو سنود=ولانفى المأموم تقديم الامام
ومن بذل وقته على جد وجهود=لاعطاه الجد يعطيه المقام
لم شملا كد بني دونه سدود=ولايهيم ليانتقل غير الهيام
والجواد توردك عد الورود=وعوج الارياء مذبحت ورودا حيام
مادفن تاريخنا رمل النفود=ذكرنا ابين من طويق ومن سنام
وسيرتن فيها شفاء غل الكبود=ومذهبا واحد تبع خير الانام
ماتسيد في مذاهبنا قرود=ولاتعددنا طوايف وانقسام
ولاتعبدنا حجر من فاللحود=ولاجعلنا عيد عام وحزن عام
شيمة اهل الغدر وانصار اليهود=تسلب القمراء تحت جنح الظلام
مايبون الحق للمسلم يعود=اسرجو لبليس خيل بلا لجام
والثناء لله حلال العقود=ديننا الاسلام ونعيش بسلام
ان حناءخير من صان العهود=ولانهنان ولانذل ولانظام
والشجاعه ورث جدا عن جدود= والكرامه تحتفض فيها الكرام
وسمنا الكفه على فخذ القعود=ذا دليل السيطره والاعتصام
ذا دليل الجود فيام اللهود=في ليالا عذرها شح الطعام
من كسبله طنب يبنيله عمود=ومن بناله بيت صارت له عضام
والفناء خلد قصص عاد وثمود=والبقاء لله شديد الانتقام
وعلمنا لاحك عودا راس عود=بالعداء ضربه اشد من ضرب الحسام
ودورنا من بين الادوار محمود=ساسنا ماينبني فوق الهدام
ومن توكل مكتفا شر الحسود= ولاتسود الناس هافين الذمام
والهجاد اللي صحو منه الرقود=لاصحا واحد صحو منه النيام
والشداد اللي توقيه القدود=لايطيح بمعركه خوض الزحام
في عقيد القوم كل امر معقود=سلموه الامر وامسك بالزمام
من سراء واصبح على شداده ينود=ينحني غب السراء خلف الجهام
مايقدي بالمسيره من يقود= ماغنم غير الهزيمه والملام
وان طلع حرا على الجول مهدود= اشقرا لاضف كوم الريش حام
لاهوى نجما توقاله حيود=لوضرب قمه جبل راحت حطام
افخروبه واوقفو دونه حشود=ولامسير الا بسيره وانتضام
ومن بلاد النور وبلاد السعود= ابلغو كسلا التحيه والسلام

وتحياتي للجميع
راعي النخوه وشاعر الفضاء
فوزان ابن مربح

الموضوع الأصلي: عصبة القوم | | الكاتب: فوزان بن مربح | | المصدر: شبكة بني عبس