[قسورة الغاب]

انعم الله علي العمده وكثر بخيره = اشهد انه ماقصر يووم سوود الليالي
فرقن العشير الي موالف عشيره = بين حمر الجبال وبين جرد السهالي
والتجا بك زهابن للزمان وذخيره = وانت خيّر وخيرك للرفيق الموالي
ماتمد القليل ولاتشح بكثيره = كن صدرك علي الاصحاب كبر الجبالي
ويوومها بالبنادق والسيووف الشطيره = والوقائع شواهدها فعوول الرجالي
كم تمثنيت جو وكم تمثنيت ديره = سجلت صفحة التاريخ فيها نزالي
واعرف اني معك حضرت وقعت سميره = يوم ثار الدخن والوقت يصلاه صالي
فوق زيّافةً ن صفرا خفووفن نزيره = اسبق امن الطلق زيزوومتن ماتحالي
يووم دقت طبوول الحرب واعلن نذيره = شفت عاصووفها بين الرمك والجمالي
وهاك مزرووف خطي والرسوول وبعيره = واسلم وسلم وتسلم من اول وتالي
وانعم الله علي العمده وكثر بخيره = اشهد انه ماقصر يووم سوود الليالي

الموضوع الأصلي: القسوره يهدد العمده | | الكاتب: قسورة الغاب | | المصدر: شبكة بني عبس