02-01-2010, 07:06 PM
|
|
أبوصفلك وأبشرح لك غرام (ن) هاج بركانه
يحق لك الفخر بالملك واللي مادروا يـدرون
على ملك الحشاء والملك للمعبود سبحانـه
تربع بالحشاء وأجلس هلابك مرحبا مليـون
هلابك والحشاء بيتك من سطوحـه لبيبانـه
تربع فيه وأتمتع تراك المالـك المصيـون
تراك المالك الرسمي وعنوانـه وسلطانـه
أحبك يابعد عمري أنا أحبك بكـل أجنـون
عليك الله وأمان الله يحبك عالي (ن) شانـه
أنا وشلون ماأحبك وحبك بالحشاء مدفـون
عليه بالحرام أنـه ملـك قلبـي وشريانـه
تدلل يابعد عمري تراك بكـل شـي أتمـون
تمون أبكل شي الا الكرامـه حـد وأمانـه
وأنا أقول الكرامه عز من يمشي بها مايهون
نعم ماينحني راسه وهي تاجـه وعنوانـه
وترى قصدي بها تذكير والتذكير للساهـون
أبذكر وأصحـي نايـم(ن) مافتـح أعيانـه
وأنا اللي ساقني لبدع القوافي حبك الميمون
أبوصفلك وأبشرح لك غرام (ن) هاج بركانه
وأخذ لك شي واحد لاتشك ولاتجيك أضنـون
تراك لحالك لحالك بقلبـي وأنـت وجدانـه
يحق لك الفخر بالملك واللي مادروا يـدرون
على ملك الحشاء والملك للمعبود سبحانـه
خشمان نهارالرشيدي
|