السلام عليكم ورحمة الله وبركاته
ياريم حبج وسط قلبي بناء بيـت
مهوب بيـت إلا عمـاره كبيـره
وحاولت أخفف من بنايتج وأزريت
والمسأله صارت بقلبـي خطيـره
وعلى حقوق اللي بقلبي تعديـت
وسيرتج وسط القلب ياريم سيره
يعني لقلبـي بالغـرام إستحليـت
ونادت عروق القلب لج يالأميـره
ووصلتي الكهرب وشبيتي الليـت
ولا مرج الترشيد يعلـن وزيـره
الله يعينـك دام ياقلبـي أغليـت
شف ريم سوّت منك ياقلب ديـره
هذا وأنا ماشفتهـا بـس حبيـت
مثل ما حب أبوي مبطي سميـره
إن إغمزت بالعيـن ولا ووليـت
لا يابعد غمـزة نجـاة الصغيـره
ومن بعد شاب العود أكفي ووفيت
قلبي خضر واللي تمـره تديـره
شاعر وصادق كان بالقاف غنيت
وأشعاري أصدق من قناة الجزيره
وأحب شعار ٍ لهم بالغزل صيـت
غنالهم مبطـي وحيـد الجزيـره
وحبي ترى حب الشرف ماترديت
مهوب حب اللي به ألفين طيـره
وسوالفه للربـع دقـت ودقيـت
وقالت وقالت والسوالـف كثيـره
ودايم مقابل غرفتـه والتواليـت
وأكثر طبوعه من طبايع شكيـره
وإن لم يكن فيك الحيا تعتبر ميت
وإن لم تحـلا بالمراجـل معيـره
والنصح طبع ٍ لي ولا منه مليـت
بالسابق المنصوح يؤخـذ بغيـره
والمعذره كاني بلا مقصد أخطيت
والمسلم المؤمن يحاسب ضميـره
وأستغفر الله كل ما أسجد وصليت
سبحانه اللي عالـم ٍ كـل خيـره