[فهد محمد]

تعبت أسافر في عروقي ومليت
من جلدي اللي لو عصيته غصبني
ياما تجاوزت الجسد واستقليت
عن الألم .. لاشك جرحي غلبني
أنا سجين الحال .. مهما تسليت
وانا الطليق وكل شيٍٍ قضبني
حريتي لاعل .. يا كود ياليت
اما شفت حيٍٍ جاد لي ماسلبني
وليت يا ليل التباريح وليت
اما محاني الحزن والاكتبني
كل السما في دفتري وان تجليت
مثل الشموس .. غبار قبري حجبني
لي صاحب وان ما تخلى تخليت
لا بد ما نهدم .. ولا بد نبني


الاميربدر عبدالمحسن

الموضوع الأصلي: بدر عبدالمحسن .. تعبت اسافر | | الكاتب: فهد محمد | | المصدر: شبكة بني عبس