22-12-2009, 08:28 AM
|
|
اسمى معاني الحب
قالت قبل لاروح وارحل واخليك
اسمع كلام ٍ لك من القلب قلته
قالت وقالتلي امانه اوصيك
قبل الوداع وقلبك اللي عذلته
اذكر غرام اللي عواطفه تغليك
اللي وجوده في حياتك جهلته
وخلك مع اللي في زمانك تسليك
اللي غلاها في مكاني جعلته
لاصار مالي منزل ٍ في حواريك
وش عاد باقيلي بقلب ٍ رحلته
ببعد واببعد وابتعد عن خطاويك
ببعد بعيدٍ عن عذاب احتملته
واطلب من الله يسعدك في لياليك
والله يعوضني بحبٍ خذلته
ياما وياما قالو الوقت يصحيك
بكره تشوف عيونك اللي فعلته
قالو وقالو وقولو قولهم فيك
احذر محبة صاحبك لاعتسلته
لكن ماطعت اللي نصيحته تعنيك
شوق المشاعر والاحاسيس نلته
اليوم ساعدني عسى الله يخليك
انساك وانسى حبك اللي اعتزلته
وقلت! السموحه وهادي الخلق يهديك
السيف في وجهي علامك حملته
فكر وناظر قلبي اللي يناديك
خلني ابرر موقفي اللي حللته
من قال في قلبي غرامه يواسيك
من قال حبك داخل القلب زلته
من قال ينسيني زمان ٍ ينسيك
من قال علمني ؟ غرامك مللته
من قال منهو محطم ٍ لك امانيك
من قال؟ جاوبني سؤال ٍ سألته
لو كان يحلف لي اكذبه واجيك
ماقيل عنك وسط بحر ٍ نطلته
نعم تراني ذايب ٍ بك وشاريك
والقلب ماغيرك ترا اللي دخلته
اعشقك يعني هايم ٍ في معاليك
ياعمري انتي حلمي اللي وصلته
عاشقك ياعمري وروحي وهاويك
اسمى معاني الحب لجلك فتلته
هذي الصراحه وانتظر حكم قاضيك
وافهم كلام ٍ لك من القلب قلته
ماراق لي من قصيد
|