[من الناس]

روح التحدي بألوان الشعر الحقيقي وفنونه وتماسك المضمون لأساسيات المحاورة نجدها هنا في هذه المحاوره القوية التي تعتبر من المحاورات المتميزة وما فيها من فتل ونقض توحي لوجود شعراء كبار لهم باع طويل بالمحاوره شهد المحاورة حضور رفيع المستوى إليكم محاورة الصفراء الأصيل و الشاعر القدير (( الشايب)) والشاعر المتألق (( المحاور)) الشايب الليله الصفراء الاصيل لجامها بكف الاصيل= الشايب اللي كل ماتصهل يتل عنانها الشايب اللي ساسه الفريس مزبنت الدخيل =قوم ٍ ما صكت في وجيه ضيوفها بيبانها المحاور الليله الصفراء المحاور محتسيها بالفتيل=ياالشايب اللي فوقها شريتها من شانها يالعود مدح النفس عند اهل الوفا ماهو جزيل=لكن تحيزم والاصيله قم وشد ابطانها الشايب الظاهر انك من شواعير الزمان اخر مديل=اللي تزاحم حضرت الشيبان في قيفانها ان كان عندك علم وتعرف الجزيل من الهزيل=قلي الهنوف اللي خطبها العود كم ورعانها المحاور انا هنا ويضا هنا والله ماتلقالي مثيل=ابيع واشري وواعرف الاوزان في ميزانها البنت تعشق حضرتك ؟؟؟ ياعود هذا مستحيل=البنت تبغى اللي يصف ارجولها واذانها الشايب انته هنا لكن ما كنك هنا والليل ليل=اسبح بحر مير البحر لا تأكلك حيتانها توك ليا هلحين طايش والمره تبغى ثقيل= تراك تزعلها وتصبح لقمةٍ لخوانها المحاور يالعود والله يوم اطب السوق مايربح عميل=وان الجنون تزيد في راسي لجن اجنانها لكن غسل فمك عن تقبيل ناقضت الجديل= اللي تفرق عن معنقها وعن ذرعانها الشايب بصب لك من دلة الشعر المصفى كيف هيل = وانت اشرب الفنجال والعذراء بذراء شيبانها خلك بعلم ابن جبر بالدايره والمستطيل= خل الهنوف اللي تهز ردوفها لسلطانها المحاور تبي تظل القوم وانته مانت لاقي لك مقيل= مير العرب تعرف معش الخيل من فرسانها اثرك مهندس مانت شاعر بالقصير وبالطويل= ياباشة ادرس كيف يرفع سطحها سيسانها الشايب بان الدهر والبدوا ما بقي لهم غير الرحيل=ليت البدو تحتاش باقي ضعنها ورعيانها مانته من اهل الخيل هاذي كلمتك كلمة حليل = ضعفت علومك والسوالف مختفي برهانها المحاور امسح بها لحيتك حتى يبتسم فيها خليل= وياليا انشدوك الناس قل ماهي بذي الوانها الناس يالشايب يعرفون الشجاع من الذليل= يتابعون بكل ليله لحيتك والحانها الشايب الفرق واضح بين عصفور الصباح من الصهيل=مثل ما قال لك المثل والخيل في ميدانها عودك مداده من بحر وان كان باقي فيك حيل=اركب على موج البحر والرحله وقبطانها المحاور من امس وانته تعتزي لكن ماشفنا حصيل=تركب على سرج الاصيل ولاتشد اعنانها يالعود جتك من المناشي مير رفع بالشليل=توك ماعلتك المزون اللي عزل ربانها الشايب انته ولد في مقتبل عمره لقاء شايب جليل=ولد تكافح والسلامه ياالغليم عانها ولد سنافي ما احد يذمك ولد مثلك قليل= جتك الرساله وانتبه لا تجهل بعنوانها المحاور انا ولد في مكتمل عمري ولي شغلن جميل= تغ ليني اللي ترفض انك تلمس الخدانها انا سنافي وانت دور لك سنافي يازميل= حتى يجمل حضرتك لبينت سيقانها ههههه الشايب لو ان عندك عرف شفت اللقمه بخرطوم فيل= راحت ببطن الفيل وانت تقول بالله وانها كانك تبي حلو اللبن حلو اللبن وسط الصميل= وانا فحلها تبتسم لي وانت صرت وزانها المحاور انته تحمس البن لكنك تبهر زنجبيل= ماتعرف الدله ولاتعرف طعم فنجانها اشرب حليبك وحمد الله لاخصيم ولاكفيل= انته فحل لكن للي طايحه نيبانها الشايب ما تدري ان اكبر خطاء العاقل يسولف مع هبيل=لا تحج مكه قبل لا تعرف مكان اركانها ان مال علمك ياطويل العمر علمي ما يميل= والا الجميله عودها ما تخونه ولا خانها المحاور صدقت مفروض اني ابعد عنك ياراع الحسيل= ابعد عن الخيمه وراع الخيمه وعمدانها ومالي ومالك ياابيض اشارب كثيرك والقليل=والقا بديل مع العرب عن سمنها واجبانها صح لسان شعراءنا وبيض الله وجيهم عساهم على القوة م/ن تحياتي

الموضوع الأصلي: (( الصفراء الاصيل )) | | الكاتب: من الناس | | المصدر: شبكة بني عبس