[الاجهر]

صديت أداري دمعتي في عيوني
يا دمعة المحروم كم عشت حرمان

عشت بحياةٍ موحشه صدقوني
عانيت من صغري ألم هَم واحزان

والحظ الاقشر والقدر قيدوني
ماهو بذنبي لا تقولون خسـران

هذا القدر مكتوب .. لا تجرحوني
يكفيني اللي شفت ما شافه إنسان

بلا ولد .. ولا تلد .. عيروني
وش حيلة اللي للضنا حيل شفقان

ياليتهم يوم إهجروا قـدّروني
أو ليتها بيدي وأنا أكون غلطان

ياليتهم حنّوا ولا قاطعوني
أو ليتها بحسابهم زلة لسان

تعمدوا جرحي وبعدها جفوني
حسبي عليهم وينها عشرة ازمان

ياحظ ضاع الصوت دونك ودوني
وحلمي رثيته والقدر جاب الاكفان

الموضوع الأصلي: صديت أداري دمعتي في عيوني | | الكاتب: الاجهر | | المصدر: شبكة بني عبس