[محمد الراشد]

تصرم شهور العام والوقت في فالـه=مقفي وانا اللي منه خوفي على سنيني
اعد الشهر باليـوم واراقـب هلالـه=واعض اصبعي لازل من غير تثمينـي
وانا اللي من اول كل شي على بالـه=وعلمي بكيفي بين يسـراي ويمينـي
اناجي زمانـي واتخيـر مـن دلالـه=ولايطري المكروه من بينـه وبينـي
يالين انْه صافحني بيمنـاي بشمالـه=وبيّن لي اللي نـاوي يفعلـه فينـي
الاواسفاب الزرع ياللـي تحـرا لـه=زرعته بعشر سنين واقفـى بيومينـي
عقب قلت زان الوقت صـد وتلوالـه=وعودت انا المقهور وش عاد بيديني
ويالايمـي غـارات الايـام قتـالـة=ولو تكثر من اللـوم ماعـاد يمدينـي
دخيلك تخلي ضايق الصدر في حالـه=ترانـي علـى حـد البكـا لاتبكينـي

الموضوع الأصلي: دخيلك تخلي ضايق الصدر في حاله__ تراني على حد البكا لاتبكيني | | الكاتب: محمد الراشد | | المصدر: شبكة بني عبس