[قف أمامك رشيديه]

	ياشين بعـد الرفيـق ومسّـة الحاجـه وفقدانك الحاجة اللـي كنـت ذاخرهـا وجفوى اقرب الناس لك لاصرت محتاجه والناس تقـرأ جفاهـا مـن مشاعرهـا والوجه يفرق عبوسـه عـن تبلاّجـه وسيلـة النـاس لاشانـت خواطرهـا منها مشاعر ضميري تصفـق أمواجـه مشاعر(ن) من بنات الفكـر صاخرهـا يعني قريحـة بعيـد أفكـار وانتاجـه كـن الكواكـب تسامرنـي واسامرهـا واشوف دمّي على آخر ضغطة ابراجـه لـو تجتمـع كـل خلـق الله معبّرهـا كنـي مكلّـف بطبعـة فلـم واخراجـه أنسـج مـن الذاكـرة قـدّام أصوّرهـا فلم(ن) حقيقي وانـا المعنـي بدبلاجـه والناس محكم عليهـا مـن مظاهرهـا والتجربة نور وجـه الرجـل وسراجـه والطيب نـور الوجيـه اللـي ينوّرهـا والجـود يشبـه لبيـت الله لحجاجـه ولا نيب مكلـوف ايامنهـا واياسرهـا واقـول بالنـاس معتدلـة ومنعـاجـه والمعنـي اللـي يكسّرهـا ويجبـرهـا واللي سرى لـه رسـول الله بمعراجـه والناس يعلـم بمـا تخفـي سرايرهـا لصكّ بـاب المجامـل واحكـم ازلاجـه قـدّام الاصحـاب خافيهـا وظاهـرهـا هذا عهـد بعـد مـا مسّتنـي الحاجـه ولانيب مـن يطلـع الكلمـه وينكرهـا عبدالله بن عبدالهادي بن راجس السبيعي .

الموضوع الأصلي: ياشين بعد الرفيق ومسّة الحاجة | | الكاتب: قف أمامك رشيديه | | المصدر: شبكة بني عبس