سبحان من غيّر قلوب المحبين
من عقب ما كانت على الشوق تلتاع
و من عقب حب(ن) كان يملاه بسنين
روّح مع شوقه بنبض التوجاع
و لا عادك الله يا زمان المقفين
اللي قمع رجوى المحبين بقناع
يا زين حبك مالك القلب بالدين
ماهو بـ/ كاش يُطلب بحزة إرجاع
يعني توقع لا تضيع الدواوين
و اللي في جوفك لا تقوله و ترتاع
اصمت ترقب ضخ دمك على حين
احفظ تفاصيلك بتهذيب الاطباع
يعني بترتيب البدو يا اريش العين
خيمة عرب منصوبة(ن) وسط مرباع
كانه ضبط جو المكاشيت تلقين
ذود المشاعر من شماليك و القاع
عشبه خضر كنه منابت بساتين
والا كما زرع(ن) نما بيد زراع
عقب الوصايف وانكشاف المضامين
ودي افند حاجة(ن) فيك تنصاع
اسمي و رسمي و القلم و القوانين
كلن على فاله مشى بدربك اتباع
وان الهوى و حقوق ربعٍ(ن) عزيزين
اعمل حسابه لو خذا انصاف وارباع
و اسلم و سلم يافؤادي على الزين
اللي سكن بارضك و خيم بالاضلاع